Die Illusion der Eigenverantwortung Individueller Perfektionismus vs. Politischer Wandel

Gesellschaft

Ein Text von zwei Personen über den Zusammenhang von Kapitalismus und Klimakrise, motiviert durch die Klimastreiks/demos.

Klimademo in Lausanne, Januar 2019.
Mehr Artikel
Mehr Artikel

Klimademo in Lausanne, Januar 2019. Foto: zVg

10. April 2019
2
0
5 min.
Drucken
Korrektur
Kritiker*innä wei üs zum schwigä bringä. Si sägä üsä Protescht sig nid legitim. Und si säge so lang mir nid Co2 nöitrau läbe, dörfe mer ou nid fordere dass d schwiz Co2 nöitrau söu sii.

Ja, si hei erkannt, mir si oh nid di “perfekte” Mönsche, was üses Umgah mit üseare Mitwäut aageit. Aber nei, das isch ke Grund üsi Aalige nid ärnst z näh. Mir wei ärnscht gno wärdä. Mir müässä ärnscht gno wärdä!

Egau wie oft si üs säge, dass mir müesse perfekt sii damit mir dörfe schreie, mir höre nid uf. Wenn e mönsch perfekt mues sii um dörfe z schreie, de schwigt di ganzi wäut, wöu niemr isch perfekt. De gömer schwigend uf üse ungergang zue, u niemer füut sech berechtigt, irgendöppis z sägä odr z machä.

Aber mir müesse öppis machä!!! D gloubwürdigkeit vo üsne aalige darf nid dran gmässe wärde, wie ökölogisch mir aus Individuä läbe. Wüu üsi forderige hei die gloubwürdigkeit scho isech.

Dass mir üs ire klimakriise befinde isch e fakt,
das z is schmiuzt isch ä fakt,
ds es me dürrinä git isch ä fakt,
ds mönschä scho iz dran stärbä isch ä fakt
u di mönschä si nid du und ig, sondern die wo scho so lang d ungächtigkeit vor wäut am meischtä z gspürä brchömä.
U ds d klimakrisä zu no me unglichheit füert isch oh ä fakt.

U mä cha mr doch nid vrzeue ds gwüssi mönschä di faktä ging no nid gloubä - es müäs äs interssäsä drhingr steckä dä status quo ufrächt z erhautä. U ds interässä isch Gwinnmaximierig - odr sägä mrs eifach - Gäut. U so wird oh produziert was Profit bringt, statt ds was sinn macht.

Und im ne System wo Profit über auem steit, findet e Nachhaltigkeitsgedanke und e Berücksichtigung vo Mönsch und Mitwäut chuum e Platz. Mir müesse auso z system ändere, wüu egau wie viu müeh mir üs gäbe im System grächt und mitwäutbewusst z läbe, es wird nid länge!! Ds mir die Krise allei mit Eigeverantwortig chöi löse, isch e gfährlechi Illusion. Im Name vor Klimagrächtigkeit müesse mir Klimasünder*inne bim Name nenne und zur Rächeschaft zieh.

71% vo de Treibhausgasemissionen wäutwiit chöme vo de 100 grösste Ungernähme. D Credit Suisse und d UBS hei allei im Jahr 2017 dopplet so viu Tribhusgasemissione verursacht, wie aui iiwohner*inne und Industrie ir Schwiz zäme. Aus ob das nid scho gnue wär verantwortet der Schwizer Finanzplatz 22x so viu Tribhusgasemissione wie dr räscht vor Schwiz. D Verantwortig für e nachhaltigeri Zuekunft bim Individuum z sueche isch wemer die Zahle aaluege eifach absurd!!

Klar sötte aui ihres Gäut nid bi däne Banke aalege und klar isch Verzicht guet, aber 1. nid aui wärde verzichte. U 2. nid aui chöi verzichte! Wüu wär wott boykottiere bruucht d mittu derzue, sig das zyt, gäud, oder angeri ressource. Wär meh vo däm het, het ou meh Verantwortig.

Und d Houptverantwortig hei immerno d Ungernähme! Und Banke wo die Ungernähme finanziere! Abr im nä Syschtem wo Profit übr auem angärä steit wärdä diä di Verantwortig niä wahrnä! Drum bruchts e Systemwandu! Es brucht radikali Lösigä wo d Ursachä u nid numä d Symtom bekämpfä! Mir müässä ds sozial untragbarä und Mitwäutverachtendä System renoviärä, revolutioniärä u nid repetiärä!

Mir wei es System wo Solidarität, Glichberächtigung und Freiheit aus Grundwärt het, wo sech adä Bedürfnis vo Mönsch und Mitwäut orientiert, statt am Profit und Wirtschaftswachstum feschtzha! Wo sinnhaft handlet statt marktorientiert.

Wöu ja momentan isch üses System vom Wirtschaftswachstum abhängig. Abr d Wirtschaft cha nid ewig wachsä. Mir müässä auso aui berichä wi zum Bischpiu Arbeit, Medizin und Soziauvrsicherig Wirtschaftswachstum-unabhängig machä. Ds brucht ä radikali Umgstautig! U di Umgstautig mues mit nöiä Dänkasätz gmacht wärdä - wöu Problem chamä niä mit dr glichä Dänkwis lösä wo sä vrursacht het. Mir bruchä ä wandu vom dänkä und ä wandu vom system!

Mir müässä wäg vom mitwäutzerstörärischä, usbüterischä und asozialä Kapitalismus und härä zum nä solidarischä zämäläbä!

Chömet mir wei üs gruppiärä und immr me wärdä! Wöu so weni wi mir aus Individuä bewegä, so viu bewegä mr zämä! Kes Individuum isch tschuud ar Klimakrisä, sondern ds kapitalistischä Syschtem! U ds System wird sech nid vo säubr ändärä. Mir änderes. We mr auso z nächschtä mau «System Change, not Climate Change» rüäfä, u villech o mau es Anticapitalista, de stö mr mit vouer Übrzügig drhingr! U wenn üsi Kritiker*innä z nächscht mau sägä:

Mir nämä öich ersch ärnscht, we dr bewiset, dir heit

Ke Hackfleisch
Ke Hohäflug
Ke Handys
Ke Hosä
Ke Heizig
Kes Hus

De antwortä mir:

Ke Kapitalismus, ke Klimakriise

barrikade.info